काँग्रेसको वडा अधिवेशनमा निर्वाचन अधिकृतले एकलौटी निर्णय गरेपछि वडा न-१० को वडा अधिवेशन स्थगित

 

लोकतन्त्र समाचारदाता---

सर्लाही ,मंसिर १२

   सर्लाही जिल्लाको सदरमुकाम मलंगवा नगरपालिका अन्तर्गत आज(आइतवार) भएको नेपाली काँग्रेस वडा न-१० को वडा अधिवेशन स्थगित भएको छ ।पार्टीको जारी १४ औं महाधिवेशनको क्रममा  वडा अधिवेशन गराउने जिम्मा लिएका निर्वाचन अधिकृत महेश रायले एकलौटी रुपमा निर्णय गरेपछि अधिवेशन स्थगित भएको हो।

    दुवै पक्ष चुनावमा जाने तयारी अवस्थामा रहेको बेला निर्वाचन अधिकृत रायले सूचना ननिकाली र दुवै पक्ष बीच छलफल नै नगरीकन एकलौटी रुपमा निर्णय गरेका थिए ।

    निर्वाचन अधिकृतको यस्तो रवैया बाट रुष्ट भएका वडा न-१० का पार्टी प्रतिनिधिहरुले आजको वडा अधिवेशन  स्थगित गर्ने निर्णय गरेको ओम रंजन कर्णले जनाएको छ।