मलंगवामा हिन्दू राष्ट्र स्वाभिमान जागरण अभियानको प्रबुद्ध नागरिक गाेष्ठी एवं साहित्य परिचय सम्पन्न

 

लोकतन्त्र समाचारदाता---

सर्लाही,बैशाख १०

   सर्लाहीको सदरमुकाम मलंगवामा प्रबुद्ध नागरिक गोष्ठी तथा साहित्य परिचय कार्यक्रम सम्पन्न भएको छ । 

    शनिबार हिन्दू राष्ट्र स्वाभिमान जागरण अभियानले यो कार्यक्रमको आयोजना गरेको हो ।कार्यक्रममा प्रमुख अतिथि सर्वोच्च अदालतका पूर्व प्रधानन्यायाधीश गोपालप्रसाद पराजुलीले संविधानमा धर्म निरपेक्षताको व्यवस्थाका कारण हिन्दू धर्म संकटमा पर्दै गएको बताउनुभएको छ।

  कार्यक्रममा सहभागी हुन आएका अतिथिहरुलाई आयोजकको तर्फबाट जागरण अभियानका लागि प्रकाशित पुस्तक, स्टिकर तथा फोल्डरको परिचय वितरण गरिएको थियो ।

  मलंगवा-८ स्थित कुशुम पार्टी प्यालेसमा पुर्व मन्त्री रामचन्द्र राय यादवको सभापतित्वमा आयोजना भएको कार्यक्रममा विशिष्ट अतिथि नेपाल प्रहरीका पुर्व आइजीपी कल्याण तिमिल्सिना,मलंगवा नगरपालिकाका पुर्व मेयर राम स्वरुप राय यादव लगायत विभिन्न संघसंस्था, निकायका प्रतिनिधि ,साधुसंत,महात्मा र पत्रकारहरुको बाक्लो उपस्थिती रहेको थियो।