सक्रौलमा भएको निःशुल्क दन्त शिविरमा ७४ जनाले परिक्षण गराए

  लोकतन्त्र समाचारदाता----

सर्लाही,बैशाख १५

  सर्लाहीको दक्षिणी क्षेत्र कौडेना गाउँपालिका वडा नम्बर ६ सक्रौलमा बुधबार निःशुल्क दन्त उपचार शिविर सम्पन्न गरिएको छ ।

मिथिला डेन्टल क्लिनिक मलंगवा र तारापुञ्ज क्लबको सहकार्यमा दन्त शिविर सञ्चालन गरिएको तारापुञ्जका सचिब धिरोज रायले जानकारी दिए । 

   शिविरमा ७४ जनाको दन्त परीक्षण गरिएको र जस मध्ये २४ जनाको दाँत फुकालिएको तथा ५० जनाको दाँतको परीक्षण गरी दाँत दुखाई लगायतको औषधि समेत वितरण गरिएको थियो । शिविरमा तारापुञ्ज युवा क्लबका युवाहरुले समेत दाँत मुख सम्बन्धी परीक्षण गराएका छन् ।

     शिविरमा दन्त चिकित्सक डा.अमृत यादब र उनी नेतृत्वको स्वास्थ्यकर्मीहरुको टीमद्वारा परीक्षण एवं उपचार गरिएको थियो ।