मनोज यादव---
सर्लाही, बैशाख १७
सर्लाही जिल्लाको सदरमुकाम मलंगवा नगरपालिकामा स्थानीय चुनावको चुनावी सरगर्मी निकै बढेको छ।सबै पार्टीका तथा स्वतंत्र उम्मेदवारहरू आ-आफ्नो एजेण्डा सहित जनता माझ घरदैलो कार्यक्रममा व्यस्त हुन थालेका छन् ।
सोही क्रममा मलंगवा नगरपालिका वडा न-८ को वडाअध्यक्ष पदकालागि जनता समाजवादी पार्टी नेपाल(जसपा)बाट उमेदवारी दिएका लोकप्रिय युवा समाजसेवी एवं सामाजिक अभियन्ता मुकेश जयसवाल आफ्ना पाइनलका वडा सदस्य उमेदवारहरुका साथ मलंगवा नपा वडा न-८ का जनताको घर घरमा पुगेर घरदैलो कार्यक्रम सुरु गरेका छन् ।आफ्ना समर्थकका साथ वडा न-८ को प्रत्येक घरमा पुगेर आफुबाट जनताले गरेको आशा तथा स्थानीय जनताको समस्याहरुको बारेमा जानकारी लिइरहेका छन् ।
उनले आफुलाई जिताएर वडा अध्यक्षको जिम्मेवारी दिएको खण्डमा जनताको इच्छा,आकांक्षा र जनताले आफुसँग गरेको अपेक्षाको कदर गर्दै जनतालाई निराश नगर्ने प्रतिबद्धता व्यक्त गरेका छन् ।
यसअघिको स्थानीय निर्वाचनमा मात्र केही झिनो मतले पराजित भएको जयसवालाई वडाअध्यक्ष बनाउन वडा न-८ को जनताको साथ र समर्थन रहदै आएकोले अरुलाई भन्दा उनलाई नै टिकट दिएर उमेदवार बनाउन उचित र न्यायसंगत भएकोले जयसवाललाई उमेदवार बनाएको जसपा नेपालका ठुला नेताहरुले बताएका छन् ।उनको समाजसेवी भावना र जनताहरु बिच उनको स्वच्छ छविलाई देखेर उनको जित प्रति आफ्नो पार्टी विश्वस्त रहेको उनी निकट नेताहरुले बताएका छन् ।
जयसवाल आफ्ना पाइनलका महिला सदस्य सविता बडाल, दलित सदस्य अमिरखा देवी र खुल्ला सदस्य विजय रस्ताेगी वडा न-८ मा घरदैलो कार्यक्रम लिएर पुग्दा साढे ४ वर्षमा विकासको नाउँमा एउटा पनि राम्रो काम नभएको भन्ने गुनासो लिएर बसेका जनताहरू अब बल्ल वडाको मुहार फेरिने भयो भन्दै उत्साहित देखिएका छन् ।वडाका जनताहरु पनि यसपाली मुकेश जयसवाललाई नै समर्थन र साथ दिने बताएका छन् ।
जयसवालको भनाई अनुसार आफू पदमा नहुँदा पनि एउटा सामाजिक अभियन्ता र समाजसेवीको नाताले बेलाबखत विभिन्न माध्यम र श्रोतबाट वडाको विकासमा लाग्दै आएको र जनताले विजयी बनाए वडा न-८ को पूर्ण विकास गर्न आफू प्रतिबद्ध रहने बताए ।
उनले माओवादी केन्द्रकाे हसिया हथौडा छापबाट खुल्ला सदस्यमा उमेदवार भएका जितेन्द्र महताेको संयुक्त गठबन्धनलाई पनि अत्याधिक मतले बिजयी बनाउन अनुरोध गरेका छन्।
No comments:
Post a Comment