जंगली हात्तीले सर्लाहीमा एक पुरुषको ज्यान लियो

 

लोकतन्त्र समाचारदाता---

सर्लाही ,असाढ ९

   सर्लाहीको इश्वरपुर नगरपालिका वडा न-१३ श्रीनगरमा जंगली हात्तीको आक्रमणबाट एक पुरुषको मृत्यु भएको छ।मृत्यु हुनेमा श्रीनगरका ५५ वर्षीय रामआषिस महतोको रहेका छन् ।

      मंगलवार राती डेढ बजे तिर जंगली हात्तिको आक्रमणबाट गम्भीर घाइते भएको महतोको  मृत्यु भएको हो । सख्त घाईते महतोको लालबन्दीमा रहेको मोडेल हस्पिटलमा उपचारको क्रममा बुधबार बिहान साडे तीनबजे  ज्यान गएको प्रहरीले जनाएको छ ।विगत डेढ महिनादेखि जिल्लाको जंगल क्षेत्रमा बस्दै आएको तीनवाटा हात्तीले यस अघि भौतीक क्षती गर्नेगरेको भएपनि गए राति भने मान्छेको ज्यानै लिएको प्रहरीले  बताए ।

    उता डिभिजन वन कार्यालय लालबन्दीका प्रमुख माधव प्रसाद देवले हात्तीलाई उसको सुरक्षित बासस्थानमा फर्काउनको लागि आफुहरुले मातहतका निकाएलाई पत्राचार गरिसकेको  भएपनि हात्तीहरु एकै ठाउँमा नबस्ने भएकाले समस्या भएको बताए ।