आप्रवासी कामदारको न्यायमा पहुँच संवर्धन परियोजनाको पालिका स्तरीय बैठक सर्लाहीको तीन पालिकामा सम्पन्न

 

लोकतन्त्र समाचारदाता---

सर्लाही ,असाढ ४

     फिनलैण्ड सरकार अन्तर्गत कियोज फाउन्डेशनको आर्थिक सहयोगमा मानवअधिकारको लागि जनमञ्च (पिपुल फोरम) कालिकास्थान काठमाडौको आयोजनामा आप्रवासी कामदारको न्यायमा पहुँच संवर्धन परियोजनाको पालिका स्तरिय  बैठक सर्लाहीको तीनवटा  पालिकाहरुमा सम्पन्न भएको छ । बुधबार ,बिहिवार र शुक्रवार जिल्लाको मलंगवा ,कबिलासी नगरपालिका र बसबरिया गाउँपालिकामा बैठक सम्पन्न भएको छ । 

     मलंगवामा नगरप्रमुख निरसल साह,कबिलासीमा उपप्रमुख राधा देवी र बरसरियामा गाउँपालिकाका  अध्यक्ष राम आयोध्या रायको संयोजकत्वमा  भएको बैठकले बिभिन्न विषयमा छलफल तथा निर्णय पारित गरेको छ ।

    बैठकमा पालिका प्रमुखहरु समक्ष  मानवअधिकारको लागि पिपुल फोरमको आयोजनामा  संचालन हुने परियोजना ती पालिकाहरुमा पनि संचालनार्थ  जिल्ला समन्वयको बैठकबाट छनौट भएको जानकारी गराई यस नगरपालिकामा पनि  संचालन गर्न गराउन निर्णय गरिएको छ।यसै बैठकबाट परियोजना संचालन गर्नका लागि वैदेशिक रोजगार सम्बन्धि संरक्षण , संवर्धन तथा व्यवस्थित गर्नका लागि बजेट विनियोजन गराउन नगर परिषद समक्ष पहल गर्न निर्णय समेत गरिएको परियोजना संयोजक मोहन राय यादवले जानकारी दिनुभयो ।