कोरोनाले गर्दा यसवर्ष पनि हज यात्रा जानबाट बन्चित सर्लाहीका मुस्लिम धर्मावलम्बी सर्लाही ,असाढ ७

लोकतन्त्र समाचारदाता----                                   सर्लाही ,असाढ ७

    गतवर्षको जस्तै  यस वर्ष पनि  सर्लाहीका मुस्लिम धर्मावलम्बीहरु हज यात्रा जान नपाउने भएका छन् । 

    विश्वब्यापी महामारीको रुपमा रहेको कोभिड-१९ को संक्रमण जोखिमका कारण यसवर्ष (सन् २०२१)का लागि साउदी अरेबियाले आफ्नो मुलुकका ६० हजार मानिसलाई मात्र  हजयात्राको लागि अनुमति दिने निर्णय गरेकोले गतवर्षको जस्तै  यसवर्ष पनि सर्लाहीबाट मुस्लिम धर्मावलम्बीहरु हज यात्रामा जानबाट बन्चित भएका हुन् ।

     नेपाल सरकार गृह मन्त्रालय ,नेपाल हज समितिको सचिवालय बबरमहल,काठमाडौंको पत्रानुसार एक सूचना जारी गर्दै  जिल्ला प्रशासन कार्यालय सर्लाहीले  जिल्ला भरीका मुस्लिम धर्मावलम्बीहरुलाई सो कुराको जानकारी गराएको छ ।

     कोभिड-१९ ले गर्दा  साउदी अरेबियाले लगातार दोस्रो वर्ष  हजयात्राको लागि विदेशी नागरिकलाई अनुमति नदिने भएको हो ।