स्थानीय युवाहरूको पहलमा औरहीमा आयो एम्बुलेन्स

 

लोकतन्त्र समाचारदाता----

सर्लाही ,पुस १६

    सर्लाहीको चक्रघट्टा गाउँपालिका वडा न-८ औरहीका जनताहरुको सेवाका लागि एम्बुलेन्स खरिद भएको छ ।  

     "सुखमा मात्र साथ दिनु भन्दा दु:खमा पनि साथ दिनु राम्रो हुन्छ" भन्ने पवित्र उदेश्य लिएर औरही गाउँ विकास युवा क्लबको पहलमा औरहीका स्थानीय युवा तथा क्लबका सदस्य  राकेश कुमार यादव,शेष कुमार राउत,संजय दास र विरेन्द्र रायको आर्थिक सहयोगमा एम्बुलेन्स खरिद भएको हो । एम्बुलेन्स नहुँदा अौरही लगायत चक्रघट्टा गापा अन्तर्गतका वडाका जनताहरुलाई कुनै इमर्जेन्सी पर्दा तत्काल अस्पताल लानुपर्ने अवस्थामा समस्या हुँदै आएकोले  एम्बुलेन्स किन्न पहल गरेको राकेश कुमार यादवले बताए ।

   समाज सेवाको उदेश्यले खरिद गरिएको उक्त एम्बुलेन्सबाट सरकारले तोकेको मापदण्ड अनुसार यस  क्षेत्रका जनतालाई सहज र सरल सेवा प्रवाह गर्ने यादवले बताए ।