नवाब अली----
रौतहट ,पुस १
रौतहटको कटहरिया नगरपालिका–७ बगही टोलबाट कटुवा पेस्तोलसहित एकजना युवक पक्राउ परेका छन् ।
पक्राउ पर्नेमा सोही ठाउँ बस्ने २० वर्षीय राजमहम्मद आलम छन् । उनको साथबाट १२ बोरको १ थान कटुवा पेस्तोल बरामद भएको छ ।
मंगलबार साँझ करिब साढे ४ बजे गोप्य सूचनाको आधारमा गस्तीमा गएका प्रहरी टोली बगही टोल स्थित सडकमा संकित रुपमा उत्तरतर्फ मोहडा गरि खडा गरिएको BR30 W 4873 नम्बरको हिरो कम्पनीको स्पेलेण्डर मोटरसाइकललाई शंका लागी खानतलासी गर्दा उक्त पेस्तोल बरामद गरेको जिल्ला प्रहरी कार्यालय रौतहटले जनाएको छ ।
आलमलाई जिल्ला अदालत रौतहटबाट ५ दिनको म्याद थप गराइ थप अनुसंधानको लागि प्रहरीको हिरासतमा राखिएको जिप्रका रौतहटले बताएको छ ।
No comments:
Post a Comment