लोकतन्त्र समाचारदाता---
सर्लाही ,मंसिर १९
सर्लाहीको चक्रघट्टा गाउँपालिकामा बिहिवार राती एक घरमा आगलागी भएको छ ।
चक्रघट्टा गापा वडा न-१ पडरिया स्थित स्थानीय रामचन्द्र मण्डलको फुसले छाएको बाँसको टाटी भएको घरमा अचानक आगलागी हुँदा घर भित्र रहेको अन्नपात, लत्ताकपडा र भाँडाबर्तन ,कागजपत्र ,छोरीको विवाहको लागि राखेको नगद रु १लाख ,सुनचाँदीका गरगहना र घर समेत गरि अन्दाजी ४ लाख रुपैयाँ बराबरको क्षति भएको प्रहरीले जनाएको छ ।
साढे १ बजे तिर सुरु भएको आगलागी स्थानीय र प्रहरीहरु मिलेर करिब आधा घण्टा भित्र नियन्त्रणमा लिइएको जिल्ला प्रहरी कार्यालय मलंगवाले जनाएको छ ।
No comments:
Post a Comment