मोटरसाइकलको ठक्करबाट पैदल यात्रीसहित ३ जना घाइते
लोकतन्त्र समाचारदाता----
सर्लाही ,पुस १८
सर्लाही जिल्लाको हरिपुर्वा नगरपालिकामा शुक्रबार मोटरसाइकलले ठक्कर दिँदा एक जना पैदल यात्री महिला गम्भीर घाइते भएको छ भने ठक्कर दिने मोटरसाइकलका चालक र पछाडी सवार पुरुष घाइते भएका छन् ।
घाइते हुनेमा हरिपुर्वा नपा वडा न-६ बस्ने स्थानीय राम एकवाल रायकी श्रीमती ४० वर्षीया फेकनी देवी तथा ज ९ प ७७७६ नम्बरको मोटरसाइकलका चालक महोत्तरी जिल्लाको गौशाला नगरपालिका वडा न-६ बस्ने २५ वर्षिय राजकुमार महतो र पछाडी सवार सोही ठाउँका २६ वर्षिय शत्रुधन चौधरी रहेको जिल्ला प्रहरी कार्यालय सर्लाहीले जनाएको छ।
शुक्रवार साँझ करिब सवा ६ बजे तिर हरिपुर्वा नपा वडा न-६ स्थित भएको दुर्घटनामा परि घाइते भएका महिलासहित तिनैजनालाई उपचारको लागि जनकपुरतर्फ पठाएको प्रहरीले जनाएको छ ।सोही मोटरसाइकलमा सवार अर्का एकजना नाम थर नखुलेको ब्यक्ति भने दुर्घटना लगत्तै फरार भएको प्रहरीले जानकारी दिएको छ ।
दुर्घटनामा संलग्न मोटरसाइकल प्रहरी चौकी हरिपुर्वाको हिरासतमा राखीएको छ ।
No comments:
Post a Comment