प्रदेश न-२ का सांसद अशोक यादवले मकर संक्रान्तिमा विपन्न तथा ब्राह्मणहरुलाई चिउरा लाइसहित खाद्यान्न बाँडे

 

मनोज यादव----

सर्लाही ,माघ १।

       सर्लाहीको कविलासी नगरपालिका वडा न १० सलेमपुरका स्थानीयबासी समेत रहनु भएका प्रदेश २ का सांसद एवं प्रदेश मामिला सभापति अशोक कुमार यादवले मकर संक्रान्तिको उपलक्ष्यमा स्थानीय मठ मन्दिरका पुजारी ,ब्राह्मण ,गरिब, असहाय तथा उपेक्षित वर्गका मानिसहरुलाई बिहिवार चिउरा, मुढी र तिलका लड्डु(लाइ),चामल, दाल तथा तरकारी लगायतका खाद्य  सामाग्रीको साथै न्यानो कम्बल वितरण गर्नुभएको छ ।

     प्रत्येक वर्षको जस्तै यस वर्ष पनि आफ्नो पुर्खौली परम्परालाई निरन्तरता दिनुहुँदै सांसद यादवले सलेमपुर स्थित आफ्नै निजी निवासमा ती सामाग्रीहरु वितरण गर्नुभएको उहाँको सचिवालय प्रमुख राजेश यादव बताएको छ ।

   उहाँले प्रत्येक वर्ष मकर संक्रान्ति पर्वका दिन यसैगरी स्थानीयबासीहरुलाई प्रसादको रुपमा खाद्य  सामाग्रीहरु वितरण गर्दै आइरहनु भएको स्थानीयबासीहरुले बताएका छन् ।