मोटरसाइकल दुर्घटनामा चालकको मृत्यु

 

लोकतन्त्र समाचारदाता---

सर्लाही ,साउन ८

   सर्लाहीको धनकौल गाउँपालिका वडा न-३ मा बुधबार राती मोटरसाइकल दुर्घटना हुँदा मोटरसाइकल चालकको मृत्यु भएको छ ।

    बीआर ०६ एयू ८९६६ नम्वरको मोटरसाइकल राती करिब पौने ८ बजेतिर अनियन्त्रित भइ पल्टिँएर दुर्घटना हुँदा सोही  ठाउँ बस्ने रामदेव महतोका ४० वर्षिय छोरा  मिथिलेस महतोको मृत्यु भएको प्रहरीले जनाएको छ ।

   प्रहरीका अनुसार दुर्घटनामा गम्भीर घाईते भएका मिथिलेसलाई गाउँमै सामान्य उपचार गरी थप उपचारका लागि वीरगन्ज लाने क्रममा बाटोमा नै मृत्यु भएको हो । घटनाका सम्वन्धमा थप अनुसन्धान भइरहेको प्रहरीले जनाएको छ ।