मुखियालाई अपाङ्ग मैत्री साइकल प्रदान

 

लोकतन्त्र समाचारदाता---

सर्लाही,श्रावण १२

       अपांगता भएका  एक जना युवकलाई सर्लाहीका एकजना  पत्रकार र व्यापारीले संयुक्तरूपमा अपांग मैत्री साइकल प्रदान गरेको  छ ।

  सर्लाहीको बसवरिया गाउँपालिका वडा न- ४ का स्थानीय लक्षमण  मुखियाका छोरा  सन्तोष मुखियालाई  नेपाल पत्रकार महासंघ प्रदेश-२ कोषाध्यक्ष एवं बसबरिया गापा वडा न-५ निवासी  विशवनाथ ठाकुर र खुश्बु अफ्सेट प्रेस मलंगवाले  अपांग मैत्री साइकल प्रदान गरेको स्थानीय बच्चेलाल पन्डितले जनाएको छ ।

   मुखियालाई  २ बर्ष पहिला  बाइक दुर्घटनामा परेर देब्रे खुटा गुमाउँदा हिंडडुल गर्न मुस्किल पर्दै आएकोले उनको सहजताको लागि उक्त अपांग मैत्री साइकल प्रदान गरिएको  पंडितले बताए  ।