सर्लाहीमा आइतवारदेखि म्यादी प्रहरीको छनौट प्रक्रिया सुरु

 

लोकतन्त्र समाचारदाता---

सर्लाही,असोज ७

  म्यादी प्रहरी छनौटका लागी सर्लाहीमा आइतवार देखि प्रारम्भिक स्वास्थ्य परिक्षण तथा तन्दुरुस्त परिक्षा संचालन हुने भएको छ । 

    आगामी मंसीरमा हुने प्रतिनिधि सभा र प्रदेशसभा निर्वाचनका लागी म्यादी प्रहरीमा भर्ना हुन भनि जिल्ला भरीबाट भुपु र नयाँ गरि साढे ७ हजार भन्दाबढी आवेदकहरुले  मलंगवा स्थित जिल्ला प्रहरी कार्यालय सर्लाहीमा  गत भदौ ३० गते देखी असोज ६ गते सम्म आवेदन दिएका थिए ।  

    आवेदकहरुको संख्या बढी भएकाले बिहान र दिउँसो गरि दुई सिफ्टमा आवेदकहरुको प्रारम्भिक स्वास्थ्य परिक्षण तथा शारिरिक तन्दुरुस्ती परिक्षण हुने म्यादी प्रहरी भर्ना छनौट,नियुक्ति  तथा परिचालन समितिले जानकारी दिएको छ।

    मलंगवा नगरपालिका वडा न-२ स्थित नयाँ बसपार्कको सामुन्ने रहेको जिल्ला खेलकुद विकास  समिति (कबर्ड हल)को प्रांगणमा हुने  स्वास्थ्य परिक्षाको नतिजा असोज १५ गते प्रकाशित गरिने म्यादी प्रहरी भर्ना छनौट,नियुक्ति  तथा परिचालन समितिले  जनाएको छ ।