सर्लाहीको पर्सामा आधारभुत स्वास्थ्य चौकी उद्घाटन

लोकतन्त्र समाचारदाता----

सर्लाही,आश्विन १४

    सर्लाहीको पर्सा गाउँपालिकामा  नवनिर्मित आधारभुत स्वास्थ्य चौकीको उद्घाटन गरिएको छ । 

     पर्सा गाउँपालिका वडा न-६ स्थित रहेको नवनिर्मित उक्त स्वास्थ्य चौकीको  आज एक समारोहका बिच गाउँपालिका अध्यक्ष धिरेन्द्र रायले उद्घाटन गर्नुभएको हो।

   उद्घाटन कार्यक्रमलाई सम्बोधन गर्दै गापा अध्यक्ष रायले  गाउँ ,नगरको समग्र  विकासका लागि ‘शिक्षा र स्वास्थ्य क्षेत्रको सुधार पनि उत्तिकै आवश्यक रहेकोले गुणस्तरीय शिक्षा र मजबुत स्वास्थ्यको  लागि आफु सदैव लागिपर्ने बताउनुभयो । यसअघि सामान्य बिरामी पर्दासमेत त्यस भेगका स्थानीयहरू उपचारका लागि कठिनाइ भोग्दै आएकाले अब सहज हुने उहाँले भन्नुभयो।

 स्वास्थ्य चौकी उद्घाटन कार्यक्रममा पालिकाका कर्मचारी ,स्वास्थ्यकर्मी,स्थानीयबासी लगायतकाहरुको उपस्थिति रहेको थियो ।

   यसै अवसरमा गापा अध्यक्ष रायले विजया दशमी,दिपावली तथा छठ पर्वको शुभकामना समेत दिएका थिए।