पर्सामा संचालित निःशुल्क आँखा जाँच शिविरमा १०५ जना मोतियाबिन्दुको बिरामी फेला परे

 

लोकतन्त्र समाचारदाता---

सर्लाही,आश्विन ९ गते

      सर्लाहीको पर्सा गाउँपालिकामा संचालित निशुल्क आँखा जाँच शिविरमा  १ सय ५ जना बिरामीहरुमा मोतियाबिन्दुको संक्रमण फेला परेको छ।

   सगरमाथा चौधरी आँखा अस्पताल लहान तथा आँखा उपचार केन्द्र मलंगवाको सयुंक्त आयोजनामा पर्सा गा.पा को वडा न-६ ,पनपिही पोखरी स्थित रहेको प्राथमिक विद्यालयमा सम्पन्न  शिविरमा उक्त पालिका अन्तर्गतको ६ वटै वडाबाट महिला र पुरुष गरि  जम्मा ३ सय ४५ जना बिरामीको आँखा जाँच गरिएको थियो ।जस मध्येबाट १ सय ५ जनामा मोतियाबिन्दुको रोग फेला परेको प्रमुख प्रशासकीय अधिकृत सुरेश यादवले जानकारी दिए । उनीहरु सबैको मलंगवा स्थित आँखा उपचार केन्द्रमा नि:शुल्क सल्यक्रिया गरिने प्र.प्र.अ यादवले जनाएको छ।

    आइतवार आयोजना भएको शिविरको समापन कार्यक्रममा प्रमुख अतिथिको रुपमा गा.पा अध्यक्ष धिरेन्द्र यादव, विशिष्ट अतिथि सगरमाथा चौधरी आखा अस्पताल लहानका प्रमुख डा.राजकुमार यादव,प्र.प्र.अ यादव लगायत पर्सा गा.पा अन्तर्गत विभिन्न शाखाका शाखा प्रमुख तथा स्थानीयबासीहरुको उपस्थिति रहेको थियो।कार्यक्रमको अध्यक्षता वडा न-६ का वडाध्यक्ष गणेश साहले गरेका थिए।