संविधान दिवसमा वृक्षारोपन तथा कर्मचारी उधोगी बिच मैत्रीपुर्ण फुटबल प्रतियोगिता

 

लोकतन्त्र समाचारदाता---

सर्लाही ३ असोज ।

    सर्लाहीमा आज विविध कार्यक्रम गरी संविधान दिवस भव्य रुपमा मनाइँदैछ । दिवसका अवसरमा आज सोमबार संविधान दिवस मूल समारोह समिति सर्लाहीले जिल्ला समन्वय समिति सर्लाहीको तीनबिघे मैदानमा बृक्षारोपन गरिएको छ । कर्मचारी मिलन केन्द्रको संयोजकत्वमा बृक्षारोपन गरिएको मिलन केन्द्रका अध्यक्ष रामदरेश रायले बताउनु भयो । बृक्षारोपनमा प्रमुख जिल्ला अधिकारी थानेश्वर गौतम, प्रहरी उपरिक्षक प्रबिण पोखरेल लगायत कर्मचारीहरुको उपस्थितीमा बुक्षारोपन गरिएको थियो । जिल्ला वन कार्यालय सर्लाहीको सहयोगमा बिभिन्न प्रकारका रुखका बिरुवाहरु बृक्षारोपन गरिएको हो  । संविधान दिवसको उपलक्ष्यमा आजै कर्मचारी र व्यापारीहरु बिच मैत्रीपुर्ण फुटबल प्रतियोगिताको समेत आयोजना हुने चेम्बर अफ कमर्शका संजय गुप्ताले बताउनु भयो । उधोग वाणिज्य संघ शाखा मलंगवा र चेम्बर अफ कमर्शकाको संयोजकत्वमा कर्मचारी उधोगी बिच मैत्रीपुर्ण फुटबल प्रतियोगिता हुनेछ । संविधान दिवसको अवसरमा नेपाली सेना, सशस्त्र प्रहरी, नेपाल प्रहरी र विभिन्न धार्मिक–सामाजिक संघसंस्थाबाट धार्मिक र सार्वजनिक स्थलहरुको सरसफाई गरि साझमा दिपावली गर्ने कार्यक्रम रहेको कर्मचारी मिलन केन्द्रका सचिव शुनिल कुशवाहाले बताउनु भयो  ।             दिवसका अवसरमा आज सरकारले मुलुकभर सार्वजनिक बिदा पनि दिएको छ ।