सर्लाहीमा कोरोना भाइरस मुक्त भएर घर फर्कनेहरुको संख्या १८२१ जना पुग्यो

 

सर्लाही ,असोज ११

    सर्लाहीमा कोरोना संक्रमणबाट मुक्त हुनेहरुको संख्यामा बढोत्तरी भएको छ ।सोही क्रममा  एकैदिन ३०३ जना कोरोना संक्रमितहरु निको भइ डिस्चार्ज भएर आआफ्नो घर फर्किएका  छन् ।

    उनीहरूलाई सरकारले बनाएको मापदण्ड अनुसार १४ दिन आइसोलेसनमा राखेर  पुर्णरुपमा संक्रमण मुक्त भएको यकिन गरेर  शुक्रवार एकैसाथ डिस्चार्ज गरिएको स्वास्थ्य कार्यालय, मलंगवाका प्रमुख  सुशील  झाले  जानकारी दिए । यो सँगै जिल्लामा कोरोना मुक्त भएर डिस्चार्ज हुनेहरुको संख्या एक हजार आठ सय २१ पुगेको छ । 

     शुक्रवारसम्म दुई हजार ४० जनामा कोरोना संक्रमण पुष्टि भइसकेको  छ ।जसमध्ये  हाल २१३ जना सक्रिय संक्रमित अर्थात पीसीआर परीक्षण रिपोर्ट पोजिटिभ आएको र १४ दिन नपुगेकाहरु छन् । उनीहरु सबै होम आइसोलेसनमा बसेका  छन् भने एक जना संक्रमितको  जिल्लाबाहिर उपचार चलिरहेको स्वास्थ्य कार्यालय मलंगवाले जनाएको छ ।