अविरल वर्षाले सर्लाहीको हरिपुर्वामा २ वटा घर भत्कियो

 लोकतन्त्र समाचारदाता----

सर्लाही ,भदौ ३१
    गएको केही दिनदेखि भइरहेको अविरल वर्षाका कारण सर्लाहीको  हरिपुर्वा नगरपालिकामा दुईवटा घर भत्किएको छ ।
   अविरल वर्षाको पानीले  मंगलबार वडा न-४ स्थित डुमरियामा स्थानीय लखिन्द्र ठाकुर हजाम र राम एकवाल महराको घर भत्किएको हो । हजामको बाँसको टाटी र खपडाले छाएको दुई कोठाको घर भत्किँदा एउटा बाख्रा मरेको छ भने लत्ता कपडा, अन्नपात लगायत गरी १ लाख १७ हजार रुपैयाँ बराबरको क्षति भएको छ भने महराको बाँसको टाटीको बेरा र खरले छाएको घर भत्किँदा एक लाख १० हजार रुपैयाँ बराबरको क्षति भएको जिल्ला प्रहरी कार्यालय सर्लाहीले जनाएको छ ।
    घर भत्किएर घरबार विहिन भएका हजामको ६ जनाको परिवार अहिले खुल्ला  आकाशमुनि बस्न बाध्य भएका छन ।त्यस्तै महराको ७ जनाको परिवार भने छिमेकीको घरमा शरण लिएर बसिरहेको स्थानीयले जानकारी दिएको छ  ।