मनोज यादव---
सर्लाही ,भदौ ३१
यतिबेला सर्लाहीमा प्रहरीको सकृयता बढदै गएको छ।सर्लाही प्रहरी प्रमुखको रुपमा एसपी सन्तोष सिंह राठौरले कमाण्ड सम्हाले देखि सर्लाही प्रहरी अपराध नियन्त्रणमा पूर्ण रुपमा सक्रियता देखाएको छ ।प्रहरी टोलीलाई लिएर उहाँ आफै जिल्लामा अपराधिक घटना तथा क्रियाकलाप हुने स्थानमा पुगेर अपराध नियन्त्रण गर्न लागि पर्नुभएको छ ।
यसै क्रममा प्रहरीले मंगलबार बागमती नगरपालिका वडा न-११ झोलुङ्गे पुल स्थित सिन्धुली जिल्ला तर्फबाट सर्लाहीतर्फ आउँदै गरेको एकजना पैदल यात्री सिन्धुलीको हरिहरपुरगढी गाउँपालिका वडा न-६ बस्ने ज्ञानबहादुर जिम्बाको छोरा २३ वर्षिय सुवास जिम्बालाई २ किलो ८५० ग्राम लागूऔषध गाँजा सहित पक्राउ गरेको एसपी राठौरले जनाएको छ ।यस्तै प्रहरीले सोही दिन र सोही ठाउँ स्थित पेट्रोल पम्प नजिक सिन्धुलीतर्फबाट आउँदै गरेको पैदल यात्री हिरहरपुरगढी गापा वडा न-७ बस्ने वीरबहादुर गोलेका छोरा वर्ष २० को अन्तरे भन्ने बुद्धिमान गोलेलाई ३ किलो ३०० ग्राम लागूऔषध गाँजा सहित पक्राउ गरेको छ ।
त्यस्तै सदरमुकाम मलंगवा नगरपालिका वडा न-३ नगरपालिका चौक स्थित जिल्ला प्रहरी कार्यालय मलंगवाबाट खटिएको प्रहरीको गस्ती टोलीले तयारी अवस्थामा रहेको १२५ लिटर अवैध घरेलु मदिरा नियन्त्रणमा लिएको छ ।
एसपी राठौर भन्सार चोरी निकासी पैठारी रोक्ने काममा पनि सकृयताका साथ लाग्नु भएको छ ।यसै क्रममा मंगलबार जिल्लाको गोडैता नगरपालिका वडा न-३ स्थित सिमरा भगवतीपुरबाट गस्तीमा रहेका प्रहरी टोलीले भन्सार छलेर भारतबाट नेपाल तर्फ ल्याउँदै गरेको ५५ हजार मुल्य बराबरको ११ वटा राँगाहरु नियन्त्रणमा लिएको जिप्रका सर्लाहीले बताएको छ ।
प्रहरीले सकृयता बढाएदेखि जिल्लामा अहिले अपराधिक गतिविधिमा कमि आएको स्थानीय बुद्धिजीवीहरुले बताए ।
No comments:
Post a Comment