प्रहरीद्वारा अवैध कपडा बरामद

 

लोकतन्त्र समाचारदाता---
सर्लाही ,भदौ २५
    प्रहरी सर्लाहीको बसबरिया गाउँपालिका वडा न-२ मानपुरबाट  ८० हजार रुपैयाँ बराबरको  अवैध कपडा बरामद गरेको छ । 
    प्रहरी नायव उपरीक्षक (डिएसपी )उद्धव सिंह भाट र  इलाका प्रहरी कार्यालय मानपुरबाट खटिएको प्रहरी गस्ती टोलीले गस्ती  गर्ने क्रममा बुधबार  बिहान १० बजे BR06 BL 9529 नम्बरको मोटरसाइकलमा ल्याउँदै गरेको ७८ हजार रुपैयाँ बराबरको अवैध कपडा  मोटरसाइकल सहित बरामद गरेको हो ।  गस्ती टोलीलाई देखेपछि मोटरसाइकल सहित कपडाको पोका फालेर  भागेपछि बरामद गरीएको जिल्ला प्रहरी कर्यालय सर्लाहीले बताएको छ ।
   बरामद गरिएको कपडाहरुमा सुतीको थान कपडा २८ पिस,सिल्क कपडा ३ थान,छापा भएको कपडा ४ थान ,ब्लाउज ११० पिस,मार्किंग कपडा ४ पिस र गमछा ४० पिस रहेको प्रहरीले जानकारी दिएको छ ।