सर्लाही अस्पताल को टिमलाई बधाई

   

  सर्लाहीको चक्रघट्टा गाउँपालिका घर भएकी एकजना महिलालाई सुत्केरी ब्यथा लागे पछि गा,पा, कै बर्थिङ सेन्टरमा निजले  एकजना बच्चा जन्माए लगतै पुन सुत्केरी पीडा सुरू भएपछि गा,पा, का बर्थिङ सेन्टरका चिकित्सकले प्रयास गरेपनि दोस्रो बच्चा पाउन समस्या भएपछि महिलालाई सर्लाही अस्पताल मलंगवामा ल्याएका थिए । महिलालाई ल्याउन ढिलाे भएकाे कारण महिलाकाे दोस्रो बच्चा पेटमै मरि सकेकाे थियाे । मरेकाे बच्चालाई बाहिर निकाल्न  सर्लाही अस्पतालका डाक्टरहरूलाई ठुलाे कसरत गर्नुपर्यो । लामाे समयकाे शल्यक्रिया पछि डाक्टरहरू सफल भएपनि रगतकाे अाभाव भएपछि  सुत्केरीलाई अब कसरी बचाउने भनेर थप समस्या सृजना भयाे । अस्पतालकै एकजना कर्मचारीको रगत सुत्केरी संग मैच भएपछि रगत दिएर सुत्केरी बचाउन अस्पतालका डाक्टरहरू सफल भएका छन । सुत्केरी महिला अब खतरा मुक्त रहेकाे मे,सु, संजिव सिंह बताउछन ।

    एउटा गरिब महिलालाई नया जीवन प्रदान गर्नु भएकाेमा सर्लाही अस्पताल मलंगवाका सम्पुर्ण चिकित्सक टिमलाई  राष्ट्रिय लोकतन्त्र दैनिक पत्रिकाको  सम्पूर्ण टिमको तर्फबाट  सलाम ।