सडक दुर्घटनामा एक बालक सहित ३ जना घाइते

 

सर्लाही ,भदौ २
     आइतवार सर्लाहीको कौडेना गाउँपालिका वडा न-४ मोतीपुर स्थित खोरियाबाट मोतीपुरतर्फ आउँदै गरेको BR30 V 8077 नम्बरको मोटरसाइकल आफै अनियन्त्रित भएर पल्टिँदा २ जना ब्यक्ति घाइते भएका छन् ।
    घाइते हुनेहरुमा मोटरसाइकल चालक कविलासी नगरपालिका वडा न-३ बस्ने राजेश रायका छोरा १७ वर्षिय राम प्रवेश राय र मोटरसाइकल पछाडि सवार सोही ठाउँ बस्ने स्थानीय सुरज पासवानका छोरा १८ वर्षिय रघुनाथ पासवान रहेका छन् ।घाइते दुवैजनाको मलंगवा स्थित जिल्ला अस्पतालमा भइरहेको जिल्ला प्रहरी कार्यालय सर्लाहीले जनाएको छ । 
   त्यसैगरी सोही दिन पुर्व पश्चिम लोकमार्ग अन्तर्गत  जिल्लाको लालबन्दी नगरपालिका वडा न-१ नवलपुर स्थित गोरुबजार नजिक पश्चिमबाट पुर्वतर्फ जाँदै गरेको ना ३९ प ३४९ नम्बरको मोटरसाइकलले ठक्कर दिँदा पैदल  यात्री सोही ठाउँ घर भएका  दिपक तामाङका ५ वर्षिय छोरा आरव तामाङ घाइते भएका छन् । सडक पार गर्ने क्रममा मोटरसाइकलले ठक्कर दिएर घाइते भएका बालकको स्थानीय लाइफ लाइन हेल्थ केयर अस्पतालमा उपचार भइरहेको  प्रहरीले जानकारी दिए ।