*
*सम्बन्धित निकाय मुक दर्शक*
सर्लाही ,असोज १३
सर्लाहीको सदरमुकाम मलंगवाबाट संग्रमपुर हँदै पुर्वको हरिपुर्वासम्मको सडक खण्ड जर्जर अवस्थामा पुगेको भएपनि त्यसतर्फ सम्बन्धित निकायको ध्यान जानसकेको छैन ।
महोत्तरीको सदरमुकाम जलेश्वर देखी सर्लाहीको सदरमुकाम मलंगवादेखि महोत्तरीको सदरमुकाम जलेश्वर सम्म जोडिएको एकमात्र हुलाकी सडकबाट दिनहुँ हजारौ पैदल यात्री तथा विभिन्न सवारी साधनहरुको ओहोरदोहोर हुने गरेको छ ।सडकको जर्जर अवस्थाले गर्दा उक्त सडकमा प्रत्येक दिन कुनैनकुनै सानो ठूलो दुर्घटनाहरु भइरहेको स्थानीयहरुले बताएका छन् । महोत्तरी जिल्ला तर्फ पर्ने सडकमा कालोपत्रेको काम सम्पन्न भइसकेको भएपनि सर्लाही तर्फको संग्रमपुरदेखि सुरु भएको सडक खण्डमा भने ठेेकेदारको लापरबाहिले अहिलेसम्म ग्राभेलको काम समेत भएको छैन हरिपुर्वा नगरपालिका निवासी मुकेश झाले बताए ।
सर्लाहीको पर्सा गाउपालिका अन्तर्गत पर्ने शितलपुर देखि सदरमुकाम मलंगवासम्मको हुलाकी सडक खण्डमा पर्ने सखुअबाको नखा खोलामा बिगत ५ बर्ष देखि पुल निर्माणाधिन अवस्थामा नै छ । जसको कारण प्रत्येक वर्ष अषाढ देखी कार्तिकसम्म खोला तर्न निकै समस्याको सामना गर्नु परेको स्थानीयहरुले गुनासो गर्दै आएका छन् । त्यस्तै ब्रह्मपुरी गाउँपालिकाको सखुअवा देखि भेल्हीसम्मको सडक ठाउँठाउँमा बिग्रिएका कारण मोटरसाइकल चलाउन पनि गार्हो भएको हरिपूर्वा निवासी झाले बताए ।
सर्लाहीको दक्षिण क्षेत्रलाई जोडने एकमात्र हुलाकी सडक क्षतिग्रस्त अवस्थामा रहेको कारण सो क्षेत्रमा बसोबास गर्ने स्थानिय जनताहरुको दैनिकी र यात्रुहरुको यात्रा कष्टकर बन्दै गएको स्थानियहरुले गुनासो गर्दै आएपनि सम्बन्धीत निकाय मौन रहेको छन् ।
No comments:
Post a Comment