सर्लाही ,भदौ ३०
मलंगवाका समाजसेवी युवाहरुले राष्ट्रिय बाल दिवस, २०७७ को अवसरमा सर्लाहीको सदरमुकाम मलंगवा नगरपालिका स्थित बालगृहमा आश्रित बालबालिकाहरु सँग बाल दिवस मनाएका छन् ।
मलंगवा नगरपालिका स्थित युवा समाज कल्याणले बाल मन्दिरद्वारा संचालित बालगृहका बालबालिकाहरुको बिचमा बाल दिवस २०७७ लेखिएको केक काटेर दिवस मनाएका हुन । साथै संस्थाको म्यानेजमेन्ट टिमले बालगृहमा आश्रित १२ जना र बाहिरका १२ जना गरि २४ जना बालबालिकाहरुलाई मिष्ठान भोजन गराइ उपहार स्वरूप विभिन्न शैक्षिक सामाग्रीहरु वितरण गरेको टिमका सदस्य मलंगवा वडा न-३ निवासी समाजसेवी युवा नितेश राउतले जनाएको छ ।
दिवस मनाउने क्रममा स्वास्थ्य सम्बन्धि सरकारले दिएको निर्देशनको पुर्णरुपमा पालना गरिएको थियो ।मलंगवा स्थित विभिन्न वडामा बस्दै आएका केही युवाहरुको एक समूहले कोरोना भाइरसको संकटको अवस्थामा पिडित भएका सर्वसाधारण नागरिकहरुलाई सहयोग गर्ने उदेश्यले युवा समाज कल्याणको नाममा स्थापना गरेको म्यानेजमेन्ट टिमले रगतको अभाव भएका बिरामीको लागि रगत उपलब्ध गराउनुक साथै बन्दाबन्दीको समयमा रोजगारी गुमाएर भोक-भोकै बस्ने अवस्थामा पुगेका अति विपन्न परिवारलाई सहयोग गर्दै आएको छ ।
No comments:
Post a Comment