लोकतन्त्र समाचारदाता---
सर्लाही ,भदौ २५
सर्लाहीको पर्सा गाउँपालिकामा बुधवार राती भएको आगलागीबाट तीन लाख रुपैयाँ भन्दा बढीको धनमाल क्षति भएको छ ।
नेपाल भारत सिमावर्ती पर्सा गाउँपालिका वडा न–१ संग्रामपुरमा स्थानीय विन्देश्वर मण्डलको चौपाया बाध्ने गोठमा बुधबार राति पौने १२ बजेको समयमा लामखुट्टे धपाउन भनी बालिएको घुरबाट आगो सल्किएर पूर्णरुपमा गोठ जलेर नष्ट हुँदा १ लाख ६० हजार रुपैयाँ बराबरको क्षति भएको छ।आगोबाट मण्डलको एउटा भैंसी र एउटा गोरु समेत जलेर घाईते भएको जिल्ला प्रहरी कार्यालय सर्लाहीले जनाएको छ।
विन्देश्वरको घरमा लागेको आगो छिमेकी रामकुमार मण्डलको घरमा सल्किँदा उनको पनि दुई लाख पाँच हजार रुपैयाँ बराबरको धनमाल जलेर नष्ट भएको प्रहरीले जनाएको छ । आगलागीबाट रामकुमारको ६० हजार रुपैयाँ नगद, ४० हजार रुपैयाँ बराबरको लत्ताकपडा, १२ हजार रुपैयाँ बराबरको ५ बोरा चामल, ७५ हजार रुपैयाँ बराबरको सुनको गरगहना र १८ हजार रुपैयाँ बराबरको चाँदी जलेर नष्ट भएको जिप्रका सर्लाहीका प्रहरी प्रवक्ता एवं प्रहरी निरिक्षक राजु प्रसाद कुर्मीले जनाएको छ ।
उक्त आगलागी प्रहरी र स्थानीयबासीहरु मिलेर आधा घण्टाको अथक प्रयास पछि नियन्त्रणमा आएको प्रनी कुर्मीले जानकारी दिए ।
No comments:
Post a Comment