भारत लाँदै गरेको सौफी रक्सी प्रहरीको नियन्त्रणमा

लोकतन्त्र समाचारदाता---
सर्लाही ,भदौ २५
     प्रहरीले नेपालबाट भारत तर्फ लाँदैगरेको सौफी नामको मदिरा बरामद गरेको छ ।
    प्रहरी चौकी त्रिभुवननगरबाट प्रहरी नायव निरिक्षक दिनेश कुमार  पंडितको नेतृत्वमा खटिएको प्रहरी गस्ती टोलीले   बुधबार सवा ११ बजेको समयमा सर्लाहीको  ब्रम्हपुरी गाउँपालिका बडा न-४ स्थित झिम नदिको किनारबाट भारत तर्फ टाउकोमा राखेर लाँदै गरेको  १० कार्टुन सौफी रक्सी बरामद गरेको छ ।सौफी लाँदै गरेका ब्यक्ति भने प्रहरीलाई देख्नेबित्तिकै कार्टुन छाडेर भागेको जिल्ला प्रहरी कार्यालय सर्लाहीले जनाएको छ।
  बरामद गरिएको  सौफीको मूल्य १० हजार रुपैयाँ रहेको प्रहरीले बताएको छ ।