संकटमा परेका असहाय तथा बिरामीलाई सेवा उपलब्ध गराउँदै युवा समाज कल्याण मलंगवाका युवाहरु

 

मनोज यादव----
सर्लाही ,भदौ २४
    कोरोना भाइरसको संक्रमणले गर्दा बिरामीको चाप र  रगतको अभाव भइरहेको अवस्थामा सर्लाही सदरमुकाम मलंगवाका केही युवाहरुले बिरामीलाई  रगत उपलब्ध गराएर उदाहरणीय काम गरिरहेका छन् ।उनीहरु "Youth for society "call for food and blood अन्तर्गत सर्लाहीका  असहाय ,गरिब परिवारलाई सहयोग समेत गरिरहेका छन् ।
    विभिन्न पालिकामा घरभई हाल सदरमुकाम मलंगवामा बसिरहेका केही  युवाहरुको Helping Management Team ले  बिरामीको माग अनुसार रगत दिन सुरु गरेका हुन् । रगतको आवश्यक्ता पर्ने बिरामीको लागि उपलब्ध भएसम्म बिरामीसँग मिल्ने ग्रुपको रगत दिइरहेका छौ-म्यानेजमेन्ट टिमका सदस्य मलंगवा वडा न-३ निवासी कृष्णा राउतले बताए । उनले केही दिनको अन्तरालमा आफुहरु  ६-७ जना बिरामीहरुको लागि रेडक्रसले संचालन  गरेको ब्लड बैंकमार्फत आपात्कालिन अवस्थामा रगत दिइसकेको जानकारी दिए ।हामी अब  सबै ब्लड ग्रुपका युवाहरु सँग समन्वय गरि  रेडक्रसले मागेको समयमा रगत दिन सक्ने एउटा टिम बनाउन लागेको राउतले जानकारी दिए ।
   ती युवाहरु बिरामीहरुलाई मात्र नभइ  मजदुरी गुमाएका मजदुर, अति विपन्न परिवारलाई पनि भ्याय सम्म सहयोग गररिहेका छन् ।उनीहरुको टिमले हालै मलंगवा नगरपालिकाको वडा न ३ र वडा न-७ मुसैलीका  अती विपन्न परिवारलाई घरमै पुगेर खाद्यान्न सहयोग गरेका छन् ।