सर्लाही,असोज ११
खेतमा जमेको पानिमा डुबेर सर्लाहीमा एक पुरुषको मृत्यु भएको छ । मृत्यु हुनेमा मलगंवा नगरपालिका वडा न-६ भाँडसर स्थित सुखैनिया टोल बस्ने ५० वर्षिय चन्द्र किशोर पासवान रहेका छन ।
सनिवार साँझ घरबाट ५ सय मिटर टाढा रहेको आफ्नो खेतमा पानी हेर्न जाँदा खेतमा जमेको पानीमा डुबेर पासवानको मृत्यु भएको जिल्ला प्रहरी कार्यालय सर्लाहीले जनाएको छ । गाउँलेले खबर गरेपछि प्रहरी टोली घटना स्थलमा पुग्दा पासवान खेतमा घोप्टो परेको मृत अवस्थामा फेला परेको जिल्ला प्रहरी कार्यालय, सर्लाहीका प्रहरी प्रवक्ता एवं डिएसपी मदन कुवँरले जानकारी दिए ।
मृतकको पोष्टमा शव पोष्टमार्टमका लागि जिल्ला अस्पताल मलंगवामा राखिएको डिएपी कुवँरले बताए ।
No comments:
Post a Comment