सर्लाहीका अधिकारकर्मीहरु बिच दलित अधिकारको विषयमा बहस गरियो

 

सर्लाही ,भदौ २८
      नेपाल राष्ट्रिय दलित समाज  कल्याण संघ (NNDSWO) सर्लाहीको आयोजनामा  सर्लाहीको सदरमुकाम मलंगवामा एकदिवसीय बहस कार्यक्रम सम्पन्न भएको छ ।
    कार्यक्रममा   जिल्लामा शृङ्खलाबद्ध रुपमा भइरहेको दलित माथिको  हिंसा र हत्या प्रति राज्यको दायित्व र हाम्रो भुमिकाको विषयमा छलफल गरिएको संस्थाका अध्यक्ष राजेश पासवानले जानकारी दिए ।   कार्यक्रममा प्रमुख अतिथि राष्ट्रिय सभा सदस्य  राधेश्याम पासवान ,बिशिस्ट अतिथि प्रदेश सभा सदस्य  रबिन्द्र बैठा ,सर्लाही जिल्लाका संस्थापक नेता गोबिन्द पासवान,महिला नेत्री अन्जु बैठा, अकलेश बैठा ,मानव अधिकारकर्मी मुकेश मिश्र ,नागरिक समाजका महासचिव शिबचन्द्र चौधरी ,युवा विद्यार्थी नेता महेश पासवान ,रामा शंकर पासवान ,दलित जनमत संघका जिल्ला अध्यक्ष हरिशंकर पासवान लगायतको सहभागीता रहेको थियो । दलित माथि  हुँदै आएको हत्या हिंसा र बलात्कारमा संलग्न  जो कोहिलाई पनि कानुनी दायरामा ल्याउन आफुहरुलाई संगठित  भएर लाग्न कार्यक्रममा सहभागी  बक्ताहरुले बोलेका थिए ।
   दलितको राजनितीक रुपमा आरक्षणको अधिकार सुनिश्चित र समाजिक न्याय नपाए सम्म आफुहरुको संघर्ष  जरि रहने दलित अधिकारकर्मी एवं आयोजक संस्थाका अध्यक्ष पासवानले कार्यक्रममा जोड दिएका थिए ।अर्का सहभागी मानव अधिकारकर्मी मुकेश मिश्रले  मानवअधिकार रक्षाको लडाइमा आफ्नो साथ निरन्तर रहने बताए । प्रमुख अतिथि को आसनबाट बोल्दै राष्ट्रिय सभा सदस्य  राधेश्याम पासवानले आफू निरन्तर संघर्ष गरेर नेतृत्वमा आएकोले शोषित , पीडित र दलितको अधिकार रक्षा र आत्मसम्मानका लागि निरन्तर लागि रहने बताउनु भयो ।उहाँले अबको  आन्दोलन सत्तामा हिस्सेदारीको  लागि केन्द्रित हुनुपर्नेमा जोड दिनु भयो ।