मनोज यादव---
सर्लाही ,असोज ११
कोरोना भाइरस संक्रमण बढेसँगै सर्लाहीमा पनि मास्क लगाउनेको संख्यामा वृद्धि हुँदै गएको छ । मास्कको प्रयोग गरेपनि प्रयोग भइसकेका माक्स जथाभावी रुपमा फाल्ने प्रवृत्तिले संक्रमणको जोखिम पनि त्यतिकै बढाएको छ ।
सडक ,गल्ली र बजारक्षेत्रमा प्रयोग भएका मास्कहरु जथाभावी फालिएकाले कोरोना संक्रमणको जोखिम अझ बढ्दै गएको छ ।मास्कको उचित प्रयोग र विसर्जन हुन नसक्दा संक्रमण फैलिन सक्ने स्वास्थ्य कार्यालय सर्लाहीले बताए । ‘मास्कको भित्री भागमा थुक, र्याल, सिँगान र बाहिरी भागमा अरुको थुकको छिटा परेको हुनसक्ने भएकाले प्रयोगमा ल्याइएका माक्स जथाभावी फाल्दा संक्रमणको जोखिम हुने, ’स्वास्थ्यकर्मी रामबिनय यादवले भने । मास्कको उचित व्यवस्थापन हुन नसके संक्रमण फैलन सक्ने उनको भनाइ छ।मास्क खोल्दा र लगाउनुअघि हात पूर्ण रूपमा सेनिटाइज (निर्मलीकरण) वा साबुनपानीले धुनुपर्ने र मास्कलाई गोलो बनाएर बिर्को लगाएको डष्टबिनमा हाल्नुपर्ने उनको सुझाव छ । मास्कमा धातु र प्लाष्टिक हुने हुँदा ती वस्तुमा किटाणु लामो समयसम्म बस्ने गरेको बताइएको छ ।
आम नागरिकले मास्कको उचित प्रयोग र विर्सजनका बारेमा गम्भीर हुन सके संक्रमण न्यूनीकरणमा सहयोग पुग्ने स्वास्थ्य कार्यालय सर्लाहीले जनाएको छ ।
No comments:
Post a Comment