लोकतन्त्र समाचारदाता----
सर्लाही ,भदौ १७
त्रिशुली नदीमा एम्बुलेन्स खस्दा बरहथवाका एकजना युवकको मृत्यु भएको छ भने चारजना घाइते भएका छन् ।
काठमाडाैंबाट बिरामी बाेकेर सर्लाही अाउँदै गरेको ना. ५ च १०३३ नम्बरको एम्बुलेन्स मंगलबार बिहान एक्कासी अनियन्त्रित भएर सडकबाट ५० मिटर तल त्रिशुली नदीको किनारमा खसेर दुर्घटना भएको हो । दुर्घटनामा परेर गम्भिर घाईते एम्बुलेन्स चालक बरहथवा नगरपालिका वडा न-२ निवासी १५ वर्षीय बादे राना मगरकाे उपचारका क्रममा भरतपुर अस्पतालमा मृत्यु भएकाे छ । अन्य घाईतेहरुको पनि भरतपुर अस्पतालमै उपचार भईरहेको छ जनाइएको छ ।
मंगलबार बिहान करिब सवा ५ बजे पृथ्वी राजमार्ग अन्तर्गत इच्छाकामना गाउँपालिका वडा न-३ पानीधाराबाट सो एम्बुलेन्स त्रिशुली नदीमा खसेर दुर्घटना भएको जिल्ला प्रहरी कार्यालय चितवनले जनाएको छ ।
No comments:
Post a Comment