लोकतन्त्र समाचारदाता---
सर्लाही ,असोज ५
युव समाज कल्याण सर्लाहीले जिल्लाको पश्चिम क्षेत्रमा पर्ने धनकौल गाउँपालिका ,मानपुरका ५ जना घर परिवारलाई खाद्यान्न सहयोग गरेको छ ।भर्खरै स्थापना भइ सामाजिक क्षेत्रमा काम गर्दै आएको युवाहरुको समुहको यस सस्थाले सर्लाही जिल्लाभर रक्तदान,खाद्यान्न सहयोग,सडक बालबालिकाहरुको उद्धार लगायतका कामहरु गर्दै आएको छ ।
यसको अलावा कोरोना माहामारीको चपेटामा परेका अति बिपन्न, अपाङ्गता, दलित,एकल महिला, श्रमिक मजदुर र वेसाहारा ब्यक्ति तथा परिवारहरुलाई केन्द्रित गरेर विभिन्न सहयोगका कार्यहरु गर्दै आएका छन् ।यसै क्रममा आइतवार संस्थाको कल फर फुड एण्ड ब्लड अन्तर्गतको हेल्पिङ मेनेजमेन्ट टिमले मानपुरका ५ जना अती विपन्न एवं एकल महिलाहरुको दैलोमै पुगेर विभिन्न खाद्यान्न सामाग्री सहयोग गरेको मेनेजमेन्ट टिमका सदस्य बसबरिया गाउँपालिका वडा न-४ ,धनगढा निवासी अनिल यादवले जानकारी दिएको छ ।
पछिल्लो १५ दिनमा आफूहरूले जिल्लाको विभिन्न स्थानका १४ जना अति विपन्न परिवार लाई खाद्यान्न सहयोग गरिसकेको साथै विभिन्न अस्पतालमा भर्ना भएका १० जना बिरामीहरूलाई आपत्कालीन अवस्थामा रगत पनि उपलब्ध गराइसकेको यादवले बताए । कोभिड-१९ को महामारीको कारणले गरिएको लकडाउन सकिसके पछि हाम्रो टिम समाजिक कार्यमा अझ सशक्त रुपमा लाग्ने छौ,उनले बताए ।
No comments:
Post a Comment