लोकतन्त्र समाचारदाता---
सर्लाही,असोज १३
सर्लाहीको लालबन्दी नगरपालिका वडा न-२,पुनर्वास टोल बस्ने श्यामदेव पासवानका ३० वर्षिय छोरा दिनेश पासवानलाई नेपाल प्रहरी र सशस्त्र प्रहरीको संयुक्त गस्ती टोलीले मलंगवा नगरपालिका वडा न-५ भाँडसरबाट प्रतिबन्धित लागूऔषध डायलेक्स डिसी १०० एमएल को ५० बोतल सहित आइतवार दिउँसो पक्राउ गरेको छ ।
नेपाल भारत सिमा नजिकै पर्ने भाँडसर स्थित बाँसको घारीमा लागूऔषध लुकाएर राखेको भन्ने गोप्य सूचना पाएपछि प्रहरी चौकी भाँडसरबाट प्रहरी हवल्दारको कमाण्डमा ३ जना र सशस्त्र प्रहरीको बिओपी खुटौनाबाट सशस्त्र प्रहरी निरिक्षकको कमाण्डमा ७ जनाको संयुक्त टोलीले उक्त स्थानबाट पासवानलाई लुकाएर राखेको लागूऔषध सहित पक्राउ गरी थप कार्यवाहीको लागि जिल्ला प्रहरी कार्यालय मलंगवामा बुझाएको जिप्रका सर्लाहीमा प्रहरी प्रवक्ता एवं डिएसपी मदन कुवँरले जानकारी दिनुभएको छ ।
No comments:
Post a Comment