सर्लाही ,भदौ ३१
सर्लाहीमा आज गोली चल्दा एकजना पुरुष घाइते भएका छन् ।
जिल्लाको कविलासी नगरपालिका वडा न-३ बिनगरा बस्ने अन्दाजी ४० वर्षिय सुरेन्द्र चौधरीलाई बुधबार अपराह्न ३ बजेको समयमा कविलासी नपा मदनपुर र चक्रघट्टा बजारतर्फ जाने बाटोको बिचमा २ जना लुटेराहरुको समूहले पैसा लुट्नको लागि गोली चलाएको जिल्ला प्रहरी कार्यालय सर्लाहीका प्रहरी उपरीक्षक सन्तोष सिंह राठौरले जनाएको छ ।
बिनगरा स्थित घरबाट मोटरसाइकलमा ३ लाख रुपैया लिएर एन.आइ.सी एसिया बैंक चक्रघट्टामा डिपोजिट गर्न जाने क्रममा अज्ञात लुटेरा समूहले बिचबाटोमा रोकेर गोली प्रहार गरेको हो । बायाँ तिघ्रामा गोली लागेर घाइते भएका चौधरीको जिल्ला अस्पताल मलंगवामा उपचार भइरहको छ।
गोली प्रहार गरि फरार भएका लुटेरा समुहको खोजी भइरहेको प्रहरी उपरीक्षक राठौरले बताए।
No comments:
Post a Comment