सर्लाहीमा तीन क्विन्टल गाँजा बोकेको ट्रक प्रहरीको नियन्त्रणमा

सर्लाही ,भदौ २८
   प्रहरीले सनिवार राती सर्लाहीको नेपाल भारत सिमावर्ती  पर्सा गाउँपालिकाबाट ३ सय ९ किलो लागूऔषध गाँजा र गाँजा बोकेको एउटा ट्रक नियन्त्रणमा लिएको छ ।
    सर्लाहीका प्रहरी उपरीक्षक सन्तोष सिंह राठौरको कमान्डमा हिंडेको अनुगमन टोलीले अनुगमन गर्दै जाने क्रममा राती करिब ९ बजेको समयमा पर्सा गापा-५ डोमबा टोलको चिरान मिल स्थित सडकमा प्रहरी चौकी पर्साबाट प्रहरी  सहितको टोलीलाई लिएर सो बाटो भएर आवतजावत गरिरहेका सवारीसाधनहरुको चेकजाँच गरिरहेको बेला सोक्नाहाबाट पर्सा तर्फ आइरहेको ना ४ ख ७७४८ नम्बरको १० चक्के ट्रक चालु अवस्थामा रोकिराखेको देखेपछि शंका लागेर चेकजाँच गर्दा ११ वटा पोका बनाएर राखेको ३०९ किलो लागूऔषध गाँजा बरामद भएको जिल्ला प्रहरी कार्यालय सर्लाहीले जनाएको छ ।
      गाँजा बोकेको ट्रकका चालक गाडी बाटोमै छाडेर फरार भएको र ट्रकलाई गाँजा सहित नियन्त्रणमा लिई जिप्रका सर्लाहीमा ल्याएर   ओसारपसारमा संलग्न व्यक्ति र ट्रकधनीको विषयमा जानकारी लिने काम भइरहेको प्रहरी उपरीक्षक राठौरले जानकारी दिनुभयो।