लागुऔषध सहित एकजना भारतीय युवक पक्राउ

लोकतन्त्र समाचारदाता----

सर्लाही,चैत १०

     सर्लाहीको पर्सा गाउँपालिका वडा न-६ बाट लागुऔषध सहित एकजना भारतीय युवकलाई पक्राउ गरिएको छ । पक्राउ पर्नेमा भारतको बिहार राज्यको मधुवनी ग्राम पोष्ट बिरौल थाना खजौली वार्ड न-१३ बस्ने सिंघेश्वर सिंहको छोरा अन्दाजी वर्ष २४ को उमेश कुमार सिंह रहेका छन् ।

    बुधबार साँझ ८ बजे प्रहरी चौकी पर्साबाट खटिएको प्रहरी टोलीले प्र-३-०२-०११ प ७०३२ नम्बरको मोटरसाइकललाई शंका लगेर चेकजाँच गर्दा  उनलाई लागुऔषध कोडिवेल(१००एमएल)१०० बोतल र डाइलेक्स डिसी ५० बोतल फेलापारी मोटरसाइकल र लागुऔषधसहित नियन्त्रणमा लिएको जिल्ला प्रहरी कार्यालय सर्लाहीका प्रवक्ता एवं डिएसपी माधव प्रसाद बुढाथोकीले जनाएको छ।       उनी उपर थप अनुसन्धान भईरहेको छ ।