सहारा पञ्चकन्याको १२ औ वार्षिक साधारणसभाको उद्घाटन बिरुवामा पानी हालेर गरियो

 

लोकतन्त्र समाचारदाता----

सर्लाही,पुस ३०

     सर्लाहीको सदरमुकाम मलंगवा नगरपालिका स्थित सहारा पञ्चकन्या बचत तथा ऋण सहकारी संस्था लिमिटेडको १२ औ वार्षिक साधारणसभाको समुद्घाटन शुक्रवार मलंगवामा सम्पन्न भएको छ ।

    सस्था अध्यक्ष देवेन्द्र कुमार यादवको अध्यक्षतामा आयोजना भएको साधारणसभाको उद्घाटन प्रमुख अतिथि सुरेन्द्रलाल कर्णसहित कार्यक्रममा उपस्थित विशिष्ट अतिथि तथा अतिथिहरुले बिरुवामा पानी हालेर गरेका छन् ।

    कार्यक्रममा  संचालक समितिको तर्फबाट अध्यक्ष यादवले संस्थाको आर्थिक प्रतिवेदन प्रस्तुत गर्नुभएको थियो।

   मलंगवा नपा वडा न-१० स्थित जानकी होटल एण्ड लजको सभाहलमा सम्पन्न भएको कार्यक्रममा संचालक समितिका पदाधिकारी , लेखा समितिका पदाधिकारी ,बचतकर्ता, लगानीकर्ता,सेयरधनी ,संस्थाका कर्मचारी , फिल्ड कार्यकर्ता पत्रकार  लगायतको उपस्थिति रहेको थियो।

   संस्थाले १२ औं वार्षिक साधारणसभाको मौका पारेर आफ्ना उत्कृष्ट फिल्ड कार्यकर्ताहरुलाई सम्मान समेत गरेको कार्यक्रमका संचालक रामलखन महतोले जनाएको छ।स्वागत मन्तव्य रम्भा झाले राख्नुभएको थियो।