मलंगवा वडा न-२ स्थित बसपार्कमा बसबाट लडेर एक युवकको मृत्यु

 

लोकतन्त्र समाचारदाता---

सर्लाही,साउन १५

     सर्लाहीको सदरमुकाम मलंगवा नगरपालिका वडा न-२,झण्डा बजार स्थित बसपार्कमा आज(आइतवार) यात्रुवाहक बसबाट ओर्लिने क्रममा  लडेर एक युवकको मृत्यु भएको छ ।

   मृत्यु हुनेमा कौडेना गाउँपालिका वडा न-३, बस्ने ३५ वर्षीय चन्दन चौधरी रहेको प्रहरीले जनाएको छ।

    चौधरीको बलरा नगरपालिका स्थित सुदामाबाट सदरमुकाम मलंगवा-२ मा रहेको बसपार्कमा आएको ग १ ख ९४५२ नम्वरको यात्रुवाहक बसबाट ओर्लिने क्रममा निजले लगाएको सर्ट ढोकामा अल्झिएर लडेर गम्भीर घाइते भइ उपचारको क्रममा प्रादेशिक अस्पताल मलंगवामा मृत्यु भएको प्रहरीले जनाएको छ । 

    दुर्घटना पछि बसका चालक फरार भएको छ भने बसलाई आवश्यक कार्यवाहीको लागि जिल्ला प्रहरी कार्यालय सर्लाहीले नियन्त्रणमा लिएको छ।

   सोही बसमा यात्रा गरिरहेकी एक वृद्धा पनि सिटको डण्डीमा ठोक्किएर गम्भीर घाइते भएकी छिन् । 

  उक्त बस कौडेना गाउँपालिका वडा न-२ स्थित लखन्देही पुल नजिक आइपुग्दा खाल्डोमा परेर बस हल्लिएपछि गोडैता नपा-६ निवासी ६५  वर्षीया ईश्वरवती देवी घाइते भएको प्रहरीले जनाएको छ ।

 घाइते वृद्धाको मलंगवा स्थित  प्रादेशिक अस्पतालमा उपचार चलिरहेको प्रहरीले बताएको छ।