लोकतन्त्र समाचारदाता ----
सर्लाही ,असाढ २६
प्रचण्ड गर्मीबीच पानी पर्न थालेपछि सर्लाही जिल्लामा सर्पदंशको घटना एकएक बढेको छ ।पानी परेर दुलोहरु भरिएर सर्पहरु बाहिर निस्कन थालेपछि सर्पदंशका घटना बढेको मलंगवा वडा न–२ स्थित वडा स्वास्थ्य चौकीका इन्चार्ज संजय यादवले बताएको छ ।
अहिले धानको रोपाइँ चलिरहेकोले जिल्लाको ग्रामीण क्षेत्रमा सर्पदंशका घटना बढ्दै गएका छन् । सदरमुकाम मलंगवा स्थित मलंगवा अस्पतालका अनुसार दैनिक ८/ १० जना सर्पदंशका बिरामीहर उपचारका लागि आउने गरेका छन् । विषालु सर्पको टोकाइबाट हालै सर्लाहीमा दुइजनाको मृत्यु भइसकेको प्रहरीले जनाएको छ ।
जिल्लामा गर्मी सँगै वर्षा शुरु भएपछि गोमन र करेत जातका विषालु सर्प र ढोंडिया, हरहरा लगायतका विष नलाग्ने सर्प छ्यापछ्याप्ती देखिने गरेका छन् ।
No comments:
Post a Comment