एघार बुँदे माग राखेर रौतहटका स्वास्थ्यकर्मीहरु धर्नामा

नवाब अली----
रौतहट ,साउन ७
    रौतहटको राजदेवी नगरपालिका अन्तर्गतका स्वास्थ्य संस्थामा कार्यरत स्वास्थ्यकर्मीहरु विभिन्न  एघार बुँदे मागहरु राखेर नगरपालिकामा धर्ना दिएका छन् ।
    स्वास्थ्य स्वयंसेविकाहरुले भिटामिन ए कार्यक्रम सञ्चालन गरेवापत र स्वास्थ्यकर्मीहरुले कोभिड–१९ को समयमा खटिएवापत पाउनुपर्ने जोखिम भत्ता, प्रोत्साहन भत्ता र अन्य सुविधा नपाएको भन्दै राजदेवी नगरपालिकामा ११ बुँदे ज्ञापनपत्र बुझाएर धर्नामा बसेका  हुन्।  नगर प्रमुख, प्रशासकीय अधिकृत, स्वास्थ्य शाखाका संयोजक समेतको रोहबरमा पटकपटक ध्यानाकर्षण गराउँदा पनि आफ्ना माग प्रति बेवास्ता गरिएकाले विरोधका कार्यक्रम गर्न बाध्य भएको उनीहरुले बताएका छन्।
    साउन ६ र ७ गते नगरपालिकामा धर्ना दिने र ८ गते माग सम्बोधन नभएसम्म नगरपालिकाको प्रशासन र स्वास्थ्य शाखामा ताल्चा लगाई धर्ना जारी राख्ने कार्यक्रम रहेको जनाइएको छ ।