सर्लाही ,असाढ ३०
सैलुन संचालनको विषयलाई लिएर नेपाल राष्ट्रिय नाई संघ नगर कमिटी मलंगवाको आज(मंगलबार )बसेको बैठकबाट विभिन्न निर्णयहरु गरिएको छ ।
ने.ना स नगर कमिटी मलंगवाका अध्यक्ष मोहन ठाकुरको अध्यक्षतामा संघका पदाधिकारीहरु बीच बसेको पहिलो बैठकमा नगर भित्र संचालित सबै सैलुनमा आफ्नो र ग्राहकहरुको स्वास्थ्य सुरक्षालाई मध्यनजर गर्दै काम गर्दा हजामले अनिवार्य रुपमा माक्स र ग्लोब्स लगाउनुपर्ने, सैलुनमा सेनिटाइजर, साबुन , पानी सहितको बाल्टी ,जग सफा औजार र तौलिया राख्नु पर्ने , संघले तय गरेको रेट लिस्ट भन्दा बढी अथवा कम शुल्क ग्राहक सँग लिन नपाउने,पसलमा मूल्य सुचि सबैले देख्ने गरि टाँस्नु पर्ने र प्रत्येक महिनाको अन्तिम मंगलबार संघका सदस्यहरु बीच
बैठक बस्नु पर्ने निर्णयहरु गरिएको छ ।आजको बैठकबाट अब देखी संघको नियम उलंघन गर्ने र नियम पालना नगर्ने सैलुन संचालक उपर संघ कडा रुपमा प्रस्तुत हुने समेत सर्वसम्मतिबाट निर्णय भएको नगर कमिटी अध्यक्ष ठाकुरले जानकारी गराउनु भएको छ ।
बैठकमा नगर कमिटी मलंगवाका सम्पूर्ण पदाधिकारीहरुको उपस्थिति रहेको थियो ।
No comments:
Post a Comment