ओछ्यानमा पिसााब फेेरेको निहुँमा आफ्नै छोराद्धारा बुबाको हत्या

असार १७

काठमाडौँ – ओच्छ्यानमा पिसाब फेरेको निहुँमा झगडा हुँदा छोराले बञ्चरो प्रहार गरी बुबाको हत्या गरेको आरोपमा मोरङमा एक जना पक्राउ परेका छन् । जहदा गाउँपालिका वडा नम्बर ५ सन्थाल बस्तीका ४० वर्षीय विरजु टुढुको हत्याको आरोपमा उनका १५ वर्षीय छोरा पक्राउ परेका छन् ।

प्रहरीका अनुसार शनिबार राति बिरजुले श्रीमती शान्तिलाई कुटपिट गरेका थिए । त्यो राति घरमा जेठी छोरी र ज्वाँइ पाहुना आएका थिए ।  बिरजु सुत्ने खाटमा भने उनका दिदीका नातिले पिसाब गरिदिएका थिए । श्रीमती शान्तिले ओछ्यानका कपडाहरू धोएर सुकाइन् । तर, बिरजुले किन “किन पिसाब गर्न दिइस्” भन्दै कुटपिट गरेका थिए ।

मोरङ प्रहरीका प्रवक्ता डीएसपी मानबहादुर राईका अनुसार आमालाई कुटेको रिस फेर्न आइतबार बिहान ५ बजेतिर छोराले बुबालाई बञ्चरोले प्रहार गरेका थिए । गम्भीर घाइते उनको विराटनगरस्थित विराट नर्सिङ्ग होममा मृत्यु भएको थियो ।

श्रीमान् श्रीमतीबीच विवाद भइरहन्थ्यो । हत्यापछि फरार छोरा पक्राउ परेपछि उनलाई पाँच दिनको म्याद थप गरेर अनुसन्धान अघि बढाएको मोरङ प्रहरीले जनाएको छ । छोराले पोखरीमा फालेको बञ्चरो पनि प्रहरीले फेला पारेको छ ।