सर्लाही ,असाढ २३
छिनछिनमा बत्ती गइइरहने कारणले गर्दा सर्लाहीबासी हैरान भएक छन् ।जिल्लामा मलंगवा , लालबन्दी र बरहथवा गरि तीनवटा वितरण केन्द्रहरु रहेका छन् ।जस मध्ये मलंगवा र लालबन्दी वितरण केन्द्र अन्तर्गतका क्षेत्रका नागरिकहरु छिनछिनमा बत्ती गइरहने समस्याबाट पिडित भएका छन् ।
छिनछिनमा बत्ती आउने र जाने कारणले विधुतिय उपकरणबाट गर्नुपर्ने कामहरु प्रभावित भइरहेको छ भने विद्युतीय उपकरणहरुमा समेत समस्या देखिन थालेको उपभोक्ताहरुले गुनासो गरेका छन् । लकडाउन सुरु भएदेखि मलंगवा र बरहथवा वितरण केन्द्र अन्तर्गतको क्षेत्रमा बिजुलीको चोरी बढी अरु दिनको तुलनामा बढेको छ । नेपाल विद्युत प्राधिकरण मलंगवा वितरण केन्द्रका अनुसार प्राविधिक अनियमितरूपमा बत्ती गइरहने समस्या जिल्लाको नभई केन्द्रीय प्रशारण लाइनकै खराबीले गर्दा भएको हो । सर्लाही जिल्लामा रहेका विद्युतीय उपकरणहरु पुराना रहेका र रौतहटको चन्द्रनिगाहपुरबाट जंगलको बाटो हुँदै लामो दुरी पार गरेर लाईन ल्याउनु परेकोले पनि पटकपटक यस्तो समस्या आउने गरेको मलंगवा वितरण केन्द्रले बताएको छ ।
No comments:
Post a Comment