सकडमा शव राखेर प्रर्दशन

लोकतन्त्र समाचारदाता----
सर्लाही ,असाढ २२
     सनिवार राति सर्लाहीको  बरहथवा नगरपालिकामा वडा न-११ दियर टोलमा मोटरसाइकलको ठक्करबाट ज्यान गुमाएका १४ वर्षिय जुगल मुखियालाई न्याय तथा क्षतिपूर्तिको माग गर्दै आइतवार स्थानीयबासीहरुले बरहथवा-मधुवनी सडक खण्ड जाम गरि टायर बालेर विरोध प्रदर्शन गरेका छन् ।
         सनिवार राति करिब पौने ८ बजे दियर टोल नजिकको नहर छेउमा बसिरहेको ५ जनालाई  हिरापुरबाट हरकठवा तर्फ जाँदै गरेको  ना ५२ प ५६५१ नम्बरको मोटरसाईकलले  ठक्कर दिएको थियो । ठक्करबाट स्थानीय रामप्रवेश मुखियाका १४ वर्षिय छोरा जुगल मुखियाको घटना स्थलमै ज्यान गएको थियो  भने अन्य तीनजना घाइते भएका थिए ।