सर्लाही ,असाढ २५
विद्यालय जाने उमेरका सर्लाहीका चारवटा स्थानीय तहका ८ हजार ५ सय ८७ बालबालिकाहरुलाई वर्ड भिजन इन्टरनेसनलको सहयोगमा राष्ट्रिय रोजगार प्रवर्द्धन केन्द्र मलंगवाले स्वयं सिकाई सामाग्री वितरण गरेको छ ।
लकडाउनका कारण बन्द रहेका विद्यालयका कक्षा १ देखि कक्षा ३ सम्मका बालबालिकाहरुको पठनपाठनलाई नियमित र प्रभावकारी बनाउन जिल्लाका चन्द्रनगर , ब्रम्हपुरी , पर्सा गाउँपालिका र हरिपुर्वा नगरपालिका अन्तर्गतका सम्पूर्ण विद्यालयमा अध्यनरत बालवालिकाहरुलाई स्वयं सिकाई सामाग्री वितरण गरिएको संस्थाका कार्यक्रम संयोजक नागेन्द्र प्रसाद शाहले बताउनुभयो।अहिले रेडियो र टेलिभिजन मार्फत कक्षा संचालन भइरहेको अवस्थामा रेडियो र टिभिमा पहुँच नभएका विपन्न परिवारका बालवालिकाहरुको लागि यो अतिनै उपयोगी भएको पर्सा गाउँपालिकाका गाउँपालिका अध्यक्ष किशुनदेव यादवले बताउनुभयो ।
वितरण गरिएका ती पाठयपुस्तकहरु शिक्षा तथा मानव स्रोत विकास केन्द्र, सानोठिमीले तयार पारेको हो ।
No comments:
Post a Comment