बागमतीमा फसेका युवकहरुको उद्धार

लोकतन्त्र समाचारदाता----
सर्लाही ,साउन ७
    सर्लाही र रौतहटको सिमा भएर बग्ने बागमती नदीको पानीको बिचमा  फँसेका २ जना युवकलाई सर्लाही प्रहरीले मंगलबार  सकुशल उद्धार गरेको छ ।
     मंगलबार बिहन करिब १० बजेको समयमा बागमती नगरपालिका वडा न-१२ नयाँ बस्ती नजिक  खोलाले बगाएर ल्याएको काठ तान्न गएका सोही स्थानका २४ वर्षिय डेटमान गोले र १६ वर्षिय निरज तितुङ बीचमै फसेपछि प्रहरी र स्थानीयहरु मिलेर  उद्धार गरेको जिल्ला प्रहरी कार्यालय सर्लाहीले जनाएको छ  । अहिले उनीहरू सकुशल रहेको प्रहरीले बताएको छ ।