मनोज यादव---
सर्लाही ,भदौ ७
सर्लाहीको सदरमुकाम मलंगवामा रहेको जिल्लाकै ख्याती प्राप्त सहकारी संस्थाहरुमा सामेल राजश्री को-आपरेटिभ सोसाइटी लिमिटेडका मुख्य प्रबन्धक तथा मलंगवा जेसिज 2020 का अध्यक्ष मलंगवा नगरपालिका वडा न-८ निवासी राजनहरी श्रेष्ठले राष्ट्रिय लोकतन्त्र दैनिक पत्रिका मार्फत कोरोना भाइरसका लागि पिसिआर जाँच गराइसके पछिको आफ्नो तिता मिठा अनुभव साझा गर्नुभएको छ ।
उहाँकै शब्दम भन्नु पर्दा "सुखमा न मात्तिनु र दु:खमा न आत्तिनु" भन्ने उखानलाई आत्मसात गर्दै विगत १५ दिन पहिला आफु कोरोना पोजेटिभ भएको जानकारी पाएको अवस्थामा जसरी आफु नआत्तिकन बसेको थिए त्यसरीनै सबै संक्रमित मित्रहरुलाई बस्न उहाँले सुझाव दिनु भएको छ । वर्तमानमा मेरो रिपोर्ट नेगेटिभ आएको छ ।यस अवस्थामा पनि आफु एकरत्ति पनि मात्तेको छुइन उहाँले भन्नुभयो ।
अहिले सारा विश्व कोरोना भाइरस (कोभिड १९)नामक महामारीको शंकटबाट गुज्रिरहेको छ ।यस्तो अवस्थामा आत्तिए भने "बनको बाघले खानु भन्दा पहिला मनको बाघले खान" बेर लगाउँदैन । सुरुमा मेरो रिपोर्ट पोजेटिभ आएपछि डाक्टरको सल्लाहमा घरमै आइसोलेट भएर बसे।ममा कोरोना संक्रमितमा देखिने यस्तो कुनै लक्षणहरु देखिएन ।होम आइसोलेसनमा बसेको बेला आफु परिवारका कुनैपनि सदस्यहरु सँगको सम्पर्कमा गइन ।
आइसोलेसनमा बस्दा स्वास्थ तथा प्राकृतिक खानामा बढी जोड दिएँ ।
संक्रमित भइसकेका र उपचारमा रहेका ब्यक्तिहरुलाई उहाँले संक्रमण हुँदैमा डराइहाल्नु नपर्ने सुझाव दिनुहुन्छ । तर, लापरवाही पनि गर्न नहुने उहाँ भन्नुहुन्छ । उच्च मनोबलले सजिलै र छिटै कोरोनासँगको लडाइँ जित्न सकिन्छ । मनोबल कमजोर भयो भने मानिस डिप्रेसनमा जाने र अरू समस्या समेत बढ्दै जान सक्ने सम्भावना हुँदोरहेछ । कतिपय मानिस संक्रमित भएपछि डराएर, आत्तिएर आत्महत्या गरिरहेका खबरहरु पनि आउँने गरेको छ । त्यसैले उनीहरूलाई ढाडस दिने, हौसला दिएर मनोबल बढाउन मद्दत गर्नु आफन्त, साथीभाइ र हामी सबैको कर्तव्य हो -उनले बताए । कोरोना संक्रमण भएकैमा कसैलाई छिःछिः र दुरदुर गर्नु अमानवीय त हुँदै हो, त्यसले परिस्थितिलाई थप विकराल बनाउने सम्भावना पनि रहन्छ । हाम्रो देशमा कोरोना संक्रमणबाट निको हुने मानिसको संख्या निकै धेरै छ, जुन उत्साहजनक हो श्रेष्ठले भने ।
उहाँले अतिआवश्यक काम बाहेक घर बाहिर ननिस्कन, सधै माक्स लगाउन ,सोसल डिस्टेन्सिंगको पालना गर्न र स्वाब पठाइसकेर पिसिआर रिपोर्ट आउन बाँकी रहेका ब्यक्ति घरमै बस्न सुझाव दिनुभएको छ ।साथै उहाँले आईसोलेसनमा बस्नु भएका सम्पुर्ण महानुभावहरु प्रती शिघ्र स्वास्थ लाभको कामना गर्नु भएको छ ।
राजश्री को-आपरेटिभ सोसाइटी लिमिटेड मलंगवाका मुख्य प्रबन्धक तथा जेसी राजनहरी श्रेष्ठ कोरोना मुक्त हुनुहुन्छ ।
No comments:
Post a Comment