लोकतन्त्र समाचारदाता---
सर्लाही ,भदौ १३
सिमावर्ती भारतको सोनवर्षा बजारबाट मलंगवा तर्फ ल्याउँदै गरेको १ सय ४८ बोतल लागुऔषध सहित मलंगवा नगरपालिका वडा न-११ गम्हरियाका दुइजना ब्यक्तिलाई सशस्त्र प्रहरीले पक्राउ गरेको छ ।
सशस्त्र प्रहरीले शुक्रवार अपराह्न ३ बजे मलंगवा वडा न -९ स्थित सार्वजनिक सडकमा भारतको सोनवर्षा तर्फबाट मलंगवा तर्फ लागुऔषध लिएर आउँदै गरेको BR30 H 6323 नम्बरको मोटरसाइकलमा सवार दुई जना व्यक्ति मध्ये मलंगवा नपा वडा न-११ गम्हरिया बस्ने पन्नेलाल रायका छोरा वर्ष २० का रुपेश रायलाई पक्राउ गरेको छ भने उनी सँगैको अर्का ब्यक्ति फरार भएका छन् । उनको साथबाट लागुऔषध वालरेक्स (१०० ml)१०० बोतल र दुइवटा मोबाइल फोन बरामद भएको जिल्ला प्रहरी कार्यालय सर्लाहीले जनाएको छ ।
यस्तै सोही दिन बिहान बोडर आउट पोष्ट त्रिभुवननगरबाट खटिएको सशस्त्र प्रहरी टोलीले गस्ती गर्ने क्रममा मलंगवा -९ स्थित राजदेवी मन्दिर नजिकै भारतको सोनवर्षाबाट प्लास्टिकको झोलामा राखेर ल्याउँदै गरेको १०० ml को लागुऔषध वालरेक्स ४८बोतल सहित वडा न-११ गम्हरिया बस्ने राजदेव साह कानुका छोरा वर्ष २६ को शम्भु कुमार साह कानुलाई पक्राउ गरेको छ ।
लागुऔषध सहित पक्राउ परेका दुवैजना उपर लागुऔषध ओसारपसार सम्बन्धि मुद्दा दर्ता गरि अनुसंधान सुरु भएको जि.प्र.का सर्लाहीले जनाएको छ ।
No comments:
Post a Comment